Deaŧalaš čuoggát go ságastallá nuoraiguin seksa vuovdima ja lonuheami birra

Dás ii leat sáhka du birra:

Go hállat nuoraiguin seksa vuovdima ja lonuheami birra, de berre leat erenoamáš dihtomielalaš iežas dovdduide ja jurdagiidda fáttá ektui. Eatnasat jurddašit movt alcces livččii leamaš vuovdit seksa, ja lea dehálaš ahte lea dihtomielalaš ahte olmmoš geainna ságastallá sáhttá vásihit áibbas eará láhkai.

Heahpu ja stigma garvit:

Dat leat ollu govvideamit ja ovdagáttut olbmuide geat vuvdet dahje lonuhit seksa. Sii geat vásihit dan, dihtet eanas gerddiid dan. Ollugat čiegadit vásáhusaid danne go ballet maid olggobeale máilbmi dadjá, ja makkár váikkuhusaid rabasvuohta dagaha. Danin lea dehálaš ahte ii dagat liige heahpu olbmui geainna hupma. Lea dehálaš jearrat sáhkkiivuođain ja rahpasit, ii ge geavahit sániid ja dajaldagaid mat sáhttet dagahit vel eanet heahpu.

Garvve sániid nugo prostitušuvdna, prostitueren, vuovdit seksa, vuovdit iežat rupmaša jos dat olmmoš ii ieš geavat dáid sániid. Čalmmustahte ahte dát lea su dahkku, ja geahččal oažžut olbmo smiehttat makkár doaibma dan dagus lea su eallimis. Lea deháleabbo gávnnahit leago hearkkes dilis mii lea vuorjašuhtti, dan sadjái go meroštallat ahte dat lea seksa vuovdin ja lonohallan.

Guođe ovdagáttuid ja inkludere:

Dat lea dehálaš muitit ahte dat lea juoga mainna nuorat buot sohkabeliin leat vásihan. Galggašii váruhit ahte vuolggasadji ii leat árbevirolaš sohkabealrollaminstariin, dahje váruhit jearrat heteronormatiivavugiin gažaldagaid.

Movt álgit ságastallama:

Sáhttá leat vuogas álggahit ságastallama ná: «Mun dieđán ahte olbmot seamma dilálašvuođas go don, leat vásihan lonuhit seksa buriid vuostá», «Dieđát go ovttage gii dan lea dahkan?», «Leat go dutnje  fállojuvvon seksa buriid vuostá?», «Nuorat geaid mun dovddan leat…» ja nu viidáseappot, dan sadjái go jearrat: «Leatgo don?» Dát ii soaitte nu issoras sutnje gii soaitá iskame makkár jurdagat ja miellaguottut dus leat fáttá birra, ovdal go rahpasit muitalit vásáhusainis birra. Dasto dat lea vuohki duođaštit ahte dieđát ahte dát dáhpáhuvvá, ja ahte don leat olámuttus hupmat dán birra.

Suhttá dahje loavkašuvvá go nuorraolmmoš?

Jus olmmoš humadettiin suhttá dahje loavkašuvvá ja jearrá: «Doaivvut go mun lean fuorrá?» Sáhtát lohkat ahte jearat danne go dieđát ahte nuorain geain lea sullasaš dilli leat maid sullasaš vásáhusat, ja dan ii sáhte olbmos oaidnit. Dát jáhkkimis ráfehuhttá dili ja sihkkarastá ahte it badjelgeahča.